VOV4.Xơ Đăng - Kơxê lơ 25/9, pôa Nguyễn Xuân Phúc, kăn xiâm hnê ngăn tơnêi têa rơtế ƀă khu râ kăn xiâm Việt Nam hiăng troh a tơraih tơƀai lâp plâi tơnêi Haneda, Tokyo, pơxiâm mâu tơdroăng cheăng tung rôh lăm veăng a leh mơdâm kiâ pôa Abe Shinzo, Ngế pro xiâm hnê ngăn kong têa Nhuk.

Pôa Nguyễn Xuân Phúc, kăn xiâm hnê ngăn tơnêi têa troh a tơraih tơƀai lâp plâi tơnêi Haneda, Tokyo

Tiô tơdroăng pôa Nguyễn Xuân Phúc, kăn xiâm hnê ngăn tơnêi têa ƀă mâu kăn xiâm Việt nam kô veăng leh mơdâm pôa Abe Shinzo, kăn xiâm hnê ngăn kong têa hneăng hdrối; khu kăn xiâm Việt Nam kô veăng a leh mdơâm kiâ pôa Abe Shinzo; Tơpui tơno ƀă pôa Kishida Fumio, Ngế pro xiâm hnê ngăn kong têa Nhuk; trâm kăn xiâm hnê ngăn Kuô̆k hô̆i râ má péa, Kăn xiâm hnê ngăn Kuô̆k hô̆i râ má môi Nhuk; veăng a rôh tơdah dêi kăn pơtáu Nhuk tơdah kăn xiâm pơkuâ mâu kong têa; tơdah kăn xiâm hnê ngăn khu tơrŭm kuô̆k hô̆i Nhuk – Việt Nam ƀă pôa Suga Yoshihide, Ngế pro xiâm hnê ngăn kong têa hneăng hdrối; trâm mâu kăn pơkuâ dêi mâu kong pơlê; trâm mâu kăn teăng mâ Nhuk a Việt Nam hneăng hdrối; tơdah trâm pơla péa pâ ƀă kăn pơkuâ mâu kong têa ki veăng a leh mơdâm kiâ; trâm kăn hnê ngăn Hô̆i đong châu Âu; teăng mâ khu rơkê plĕng Việt Nam a Nhuk.

Katarina Nga tơplôu ƀă tơbleăng