VOV4.Xơ Đăng - Kơxê măng hâi lơ 26/8, pôa Nguyễn Xuân Phúc, Kăn xiâm hnê ngăn tơnêi têa hiăng troh ngăn a hâi Ro troh a hngêi trung dêi Hngêi trung râ má môi, râ má péa ƀă Hngêi trung râ má pái phôh thong Hy Vọng - cho hngêi trung ki păn roăng, răk ngăn, hnê mơjiang mâu vâi o, vâi muăn ki ôh tá mơhúa xua nôu pâ hlâ tro tâ pơreăng COVID-19 a Đà Nẵng. A hâi troh a hngêi trung mê, pôa Nguyễn Xuân Phúc hiăng kơdĕn khĕn mâu vâi o hok tro hngêi trung Hy Vọng maluâ nếo tơkŭm hriâm tơdjuôm môi hngêi trung la hiăng tơkâ luâ tơdroăng ki kheá hơ’nêng vâ rơtế ƀă mâu thái cô tơkŭm po tơdroăng tơkŭm a hngêi trung ai tơdroăng ki pơxúa ƀă tơdroăng ki ƀriê phoih tung hiâm mơno.

Kăn xiâm hnê ngăn tơnêi têa veăng troh a hâi ro dêi Hngêi trung râ má môi, râ má peá ƀă Hngêi trung phôh thong Hy Vọng

Kăn xiâm hnê ngăn tơnêi têa tối nhên, ƀă hnoăng cheăng dêi tơnêi têa Việt Nam hiăng ‘măn mơjiâng mâu tơdroăng ki khên tơnôu ‘na ivá Việt Nam ‘na hiâm mơno ki tơkâ luâ mâu tơdroăng xahpá cho ki xiâm vâ mơdêk troăng  hơlâ ki nếo ăm la ngiâ bâ eăng ƀă hên mâu tơdroăng ki hơniâp ro. Kăn xiâm hnê ngăn loi tơngah ƀă tơdroăng ki hơ-ui pâ, mơjo phĕng ƀă tơdroăng ki tŏng kum dêi pơlê pơla mâu vâi o kô hmiân tuăn vâ hriâm tâp vâ veăng ‘no dêi hnoăng cheăng tơná tŏng kum pơlê pơla, tơnêi têa ƀă pói rơhêng vâ vâi o hok tro ki kuăn tê nôu pâ tung pơla ai pơreăng COVID-19 athế kơhnâ mơhriâm, uăn pât dêi hiâm mơno vâ chiâng mâu ngế ki ai pơxúa ăm pơlêl pơla.

Nhat Lisa tơplôu ƀă tơbleăng