VOV4.Xơ Đăng - Tung roh lăm pôu pêi cheăng a Lếo dêi Khu kăn dêi Hngêi tơleăng xiâm Việt Nam ing hâi lơ 9 troh 13/8, hâi lơ 12/8, pôa Nguyễn Hòa Bình, Kăn pơkuâ hngêi tơleăng xiâm  tơnêi têa pin  rơtế ƀă  khu kăn koh  tơpui tơno ƀă Kăn xiâm hnê ngăn Đảng, Kăn xiâm hnê ngăn tơnêi têa pôa Thongloun Sisoulith ƀă Kăn xiâm hnê ngăn Kuô̆k hô̆ Lếo pôa Saysomphone Phomvihane. A rôh tơdah, pôa Nguyễn Hòa Bình, Kăn tơleăng xiâm hiăng tối tơbleăng ăm Kăn xiâm pơkuâ hnê ngăn Đảng, Kăn xiâm hnê ngăn tơnêi  Thongloun Sisoulith tơdroăng tơpui tơno pơla Hngêi tơleăng xiâm Lếo ƀă Hngêi tơleăng xiâm Việt Nam; klêi tơkŭm po hneăng hôp Hngêi tơleăng mâu kong pơlê a tíu tơkăng kong pái to kong têa Lếo- Việt Nam- Kul roh má 6 ƀă tơbleăng tơchoâm mơhno troăng rơhlâ dêi pái pâ  tung tơdroăng mơdêk tơrŭm krá tung mâu kơvâ hngêi tơleăng pái to kong têa. Pôa pôa  Thongloun Sisoulith,  tối sôk ro tơdah khu kăn lăm pôu pêi cheăng a Lếo rôh kố; hlối tối nhên, kơvâ cheăng ‘na tơdroăng tơleăng dêi Lếo ƀă Việt Nam kal tơrŭm krá khât tâ nêó vâ teăm tơleăng mơnhên mâu tơdroăng ki nếo ‘nâi, pro pơxúa ăm kuăn pơlê xuân môi tiah loi nhoăm dêi kuăn pơlê ƀă mâu kăn, xuân môi tiah mơjiâng tuăn loi dêi kuăn pơlê ƀă Đảng , Tơnêi têa.  

Gương tơplôu ƀă tơbleăng