VOV4.Xơ Đăng - Tung rôh lăm pôu pêi cheăng a kong pơlê Thừa Thiên Huế, kơxo lơ 3/8, jâ Võ Thị Ánh Xuân, Kăn xiâm phŏ hnê ngăn tơnêi têa rơtế ƀă mâu kăn hiăng lăm pôu ƀă chôu nhang a Hngêi tơbâ Hồ Chí Minh, Kăn xiâm hnê ngăn tơnêi têa hneăng hdrối ƀă hngêi Mơhno túa lĕm tro Đăi tươ̆ng Lê Đức Anh.

Kăn xiâm phŏ hnê ngăn tơnêi têa chôu nhang a Hngêi tơbâ Hồ Chí Minh, Kăn xiâm hnê ngăn tơnêi têa hneăng hdrối Huế

Troh lăm pôu a Hngêi tơbâ Hồ Chí Minh, Kăn xiâm hnê ngăn tơnêi têa hneăng hdrối, kơxô̆ 112 troăng Mai Thúc Loan, pơlê kong kơdrâm Huế, jâ Võ Thị Ánh Xuân rơtế ƀă mâu kăn hiăng nhoăm pâ chôu nhang a um Pôa Hồ Chí Minh rơtế ƀă rơpŏng hngêi Pôa. kố cho hngêi Pôa hiăng rêh ối ƀă pêi cheăng, hriâm tâp tung 6 hơnăm, ing hơnăm 1895- 1901.

Tíu kố, hlo hên tơdroăng ki rêh ối ing ối kŭn tra troh phô̆m xông kân dêi Nguyễn Tất Thành, cho tíu jâ Hoàng Thị Loan, nôu pôa hiăng hlâ nah. Rôh kố, jâ Võ Thị Ánh Xuân xuân hbru 200 rơtuh liăn ăm Khu râng liăn kum vâi hdrêng Thưà Thiên Huế.

Gương tơplôu ƀă tơbleăng