Kơxê lơ 23/12, a Hà Nội, Khu xiâm Kŏng ti ngăn ‘na On tơhrik Têa châu Việt Nam tơkŭm po leh tơbâ 15 hơnăm Hâi mơjiâng ƀă tơdah xo Mê dai Pêi cheăng kơhnâ ối má Péa. Jâ Võ Thị Ánh Xuân, Kăn xiâm phŏ hnê ngăn tơnêi têa, Kăn phŏ hnê ngăn má môi Hô̆i đong Tơ’noăng khĕn kơdeăn Tíu xiâm veăng leh tơbâ. Tung 15 hơnăm hdrối, Khu xiâm Kŏng ti ngăn ‘na On tơhrik Têa châu Việt Nam hiăng ôh tá la lâi pơtê mơnhông rơdêi ƀă chiâng tíu pêi cheăng mơ’no on tơhrik hên má 2 a Việt Nam, kơ’nâi Grup pơkuâ ngăn on tơhrik Việt Nam. Troh nôkố, Khu xiâm Kŏng ti ngăn ngăn On tơhrik Việt Nam hiăng xúa 7 toăng hngêi kơmăi on tơhrik ƀă tâi tâng ivá on tơhrik châ 4 rơpâu 209 MW. Tâi tâng tơmeăm khoăng tâk 12 hdroh, châ 56 rơpâu 502 rơtal liăn tâng vâ pơchông ƀă 4 rơpâu 779 rơtal liăn a pơla mơjiâng hơnăm 2007.

A rôh Leh, teăng mâ Kăn xiâm Đảng, Tơnêi têa, Kăn xiâm phŏ hnê ngăn tơnêi têa diâp Mê dai ối má péa ăm Khu xiâm pơkuâ ngăn On tơhrik Têa châu Việt Nam hiăng ai hnoăng pêi cheăng kơhnâ tung tơdroăng cheăng sap hơnăm 2017-2021, veăng ‘no hnoăng mơjiâng chuh ngiah xah hô̆i tung kring vế Tơnêi têa.