Pơtối mâu tơdroăng pêi cheăng tung tơdroăng lăm pôu pêi cheăng râ Tơnêi têa troh kong têa Philippines, kơxê lơ 31/5, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơtế dêi ƀă Kơdrâi, ƀă khu râ kăn teăng mâ râ xiâm tơnêi têa troh veăng ƀă pơkuâ rôh trâm mâ kuăn pơlê, khu tê mơdró ƀă mơngế rơkê Việt Nam a kong têa Philippines.

Tơpui ƀă mơngế Việt Nam a kong têa Philippines tung tơdroăng mot tơrŭm tung pơlê pơla a kong têa vâi, rak khôi túa lĕm tro hdroâng mơngế, ai mâu tơdroăng pêi mơdêk tơrŭm cheăng kâ tê mơdró pơla péa tơnêi têa. Tối nhên tung mâu tơdroăng mơdêk cheăng kâ tê mơdró pơla péa tơnêi têa. Tối rơdêi tung mâu rôh trâm mâ ƀă khu râ kăn pơkuâ xiâm dêi kong têa Philippines, Kăn xiâm pơkuâ hnê ngăn Đảng, Kăn xiâm hnê ngăn tơnêi têa kô pơtối pơkâ thế Chin phuh Philippines pơtối tơmâng tŏng gum kuăn pơlê tơtro tiô luât, tơniăn tơdroăng rêh ối, mot tơrŭm tung pơlê pơla a kong têa vâi.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên troăng hơlâ dêi Đảng ƀă Tơnêi têa đi đo tơmâng, tŏng gum mơngế Việt Nam a kong têa ê, ngăn kuăn pơlê cho khu ki ôh tá păng klâ cho mâu ngế ki kal dêi pơlê pơla hdrông mơngế Việt Nam. Ƀă tung la ngiâ, mâu troăng hơlâ tơpui kâ ƀă mơngế Việt Nam a kong têa ê kô pơtối châ ‘mâi rơnêu vâ pro tơ’lêi hlâu ăm kuăn pơlê pin a kong têa ê pơtối ai hên tơdroăng veăng gum tâ ăm pơlê xiâm, tơnêi têa.