Tơbleăng  mơgêi a rôh hôp, pôa Nguyễn Phú Trọng, Kăn xiâm pơkuâ hnê ngăn Đảng tối nhên, pơla hdrối kố nah mâu kơ koan, khu râ pơkuâ cheăng hiăng tơrŭm rế hên tơƀrê, môi tuăn khât tung tơdroăng pêi pro, ai pơxúa tơƀrê, kuăn pơlê séa ngăn ƀă vâ môi tuăn.

 ‘Na hnoăng cheăng pêi tung la ngiâ, Ngế xiâm Hnê mơhno cheăng pơkâ thế rêm râ, khu tơrŭm cheăng Đảng, kơ koan khu râ pơkuâ cheăng pơtối mơdêk rơdêi tơdroăng tơplâ hbrâ mơdât, kâ kơluâ, pro ôh tá tro ƀă tơdroăng “mơ-eăm, khên tơnôu, ôh tá pơtê, ôh tá la lâi pơtê, ôh tá ai kơpong mơdât, ôh tá ai tơdroăng pơkâ ki ê, mơhé vâ ngế ki lâi”; tơbleăng pêi tơƀrê, pơxúa mâu tơdroăng cheăng hbrâ mơdât kâ kơluâ, pro ôh tá tro tiô Pơkâ mơgêi hneăng hôp roh má 23 dêi Kăn xiâm hnê ngăn Đảng, Ngế xiâm hnê mơhno cheăng ƀă tơdroăng cheăng pêi hơnăm 2023 dêi Khu hnê mơhno.