VOV4.Xơ Đăng -Kơxo lơ 17/8, a Tíu pêi cheăng dêi Kăn xiâm hnê ngăn Đảng, pôa Nguyễn Phú Trọng, Kăn xiâm pơkuâ hnê ngăn Đảng, Ngế pơkuâ hnê mơhno tôh hôp má 22 dêi Khu hnê mơhno Tíu xiâm ‘na hbrâ, mơdât kâ kơluâ, pro ôh tá tro thế ‘mâi rơnêu, tối tơdroăng hiăng pêi pro klêi 6 khế apoăng hơnăm, ‘nâi nhên hnoăng cheăng pêi 6 khế mơ’nui hơnăm 2022.

Kăn xiâm pơkuâ hnê ngăn Đảng pơkuâ hneăng hôp Khu hnê mơhno Tíu xiâm tơnêi têa ‘na hbrâ, mơdât kâ kơluâ, pro ôh tá tro

Pôa Nguyễn Phú Trọng tối nhên tơkŭm pơkuâ, hnê mơhno pơtối mơdêk tơdroăng mơjiâng, pê klêi luât pơkâ ‘’pôi tá kâ kơluâ’’, ‘na hnoăng cheăng ki kal tung tơdroăng cheăng hơnăm 2022, khu hnê mơhno pơkâ thế rêm râ Đảng, khu tơrŭm cheăng Đảng, kơ koan khu râ pôi tá tơngôu, pôi tá hlo hiăng hôm, tro tuăn ƀă mâu tơdroăng ki châ chiâng pêi pro; thế mơ-eăm mơdêk tâ nếo tơdroăng tơplâ mơdât kâ kơluâ, pro ôh tá tro; pơxâu phâk kơtăng, tơdâng pơla hnê hôu khĕn mâu ki pro ôh tá tro luât Đảng, pơxâu liăn ƀă pơxâu phâk ƀă mâu ngế ki lâi pro xôi, mơhé vâ ngế ki mê cho kơbố; teăm khĕn kơdeăn, mơhnhôk mâu khu tơrŭm cheăng, mâu ngế ki ai hnoăng kân tung tơdroăng tơplâ mơdât kâ kơluâ, pro ôh tá tro.

Gương tơplôu ƀă tơbleăng