A rôh hôp mâu kăn hiăng tơkŭm ăm rơkong tơpui tối tung mâu hlá mơ-éa tối tơbleăng tơdroăng kal kí dêi Khu pơkuâ Tíu xiâm Đảng hneăng 13, pơchuât mơnhên tối 5 hơnăm pêi pro tơdroăng cheăng tung la ngiâ mơnhông cheăng kâ rêh ối pơlê pơla 10 hơnăm pơla hơnăm 2021 – 2030, túa pơkâ hnoăng cheăng mơnhông cheăng kâ rêh ối 5 hơnăm pơla hơnăm 2026 – 2030, pơchuât tơbleăng mâu tơdroăng lĭ luâ̆n ƀă ki ai khât dêi rôh pơhlêh nếo tơnêi têa tiô troăng xah hô̆i chuh nghiah tung 40 hơnăm hdrối.

Tơpui a rôh hôp, pôa Tô Lâm, Kăn xiâm pơkuâ hnê ngăn Đảng tối nhên, mâu hlá mơ-éa pơtroh ăm Hneăng hôp Đảng rôh má 14 athế cho mâu kế tơmeăm tơkŭm tuăn ngoâ rơkê dêi tâi tâng Đảng tâi tâng kuăn pơlê, tâi tâng khu lêng. Mê athế mơdêk ki tơniăn krê tuăn ngoâ dêi tâi tâng khu, athế ai tơdroăng ki veăng gum dêi mâu kơ koan, kơvâ cheăng Tơnêi têa, mâu kong pơlê, mâu khu tơrŭm kal kí pơlê pơla ƀă kuăn pơlê, malối cho tơdroăng ki veăng gum dêi mâu kăn pơkuâ Đảng, tơnêi têa hhneăng hdrối.