Xông tơpui mơgêi, Kăn xiâm pơkuâ hnê ngăn Đảng tối 6 troăng prôk kân vâ Khu hnê mơhno ƀă mâu khu xiâm kơvâ cheăng kong pơlê kal pêi pro tung la ngiâ, tung mê, thế mơnhên inhên pơkâ mơnhông kŏng ngê̆ cheăng ton xŏn ƀă troăng pêi cheăng mơnhông mơdêk tơnêi têa, pơxúa ton xŏn dêi tơnêi têa. Kăn xiâm pơkuâ hnê ngăn Đảng pơkâ, pơhlêh nếo ó rơdêi troăng pêi tơkŭm pêi pro; mơnhên inhên hnoăng cheăng ngế ối a ko; tơdrêng amê, mơdêk ó rơdêi tơdroăng pơhlêh tơmiât pêi rơkê, tŏng gum khu tê mơdró pơxiâm tăng cheăng pêi pơhlêh nếo tơmiât pêi rơkê, khu tê mơdró khoa hok ƀă kŏng ngê̆; mơjiâng chiâng mâu tíu xiâm pơhlêh nếo tơmiât pêi rơkê tŭm rơdêi, tŭm po, tŭm ƀeăn ƀĕng vâ tơdjâk hriăn plĕng kơchơ mơdró.

Rơtế ƀă pơkâ, séa ngăn, pơhlêh tơtro, mơjiâng tơdroăng hnê mơjiâng mơngế pêi cheăng rơkê gum mơnhông kŏng ngê̆ ton xŏn, mơjiâng tơdroăng hnê mơjiâng mơngế pêi cheăng ki rơkê gum mơnhông kŏng ngê̆ ton xŏn, Kăn xiâm pơkuâ hnê ngăn Đảng tối nhên, tá khu cheăng kal kí thế pêi pro rơdêi tâ, kơtăng tâ, châ tơƀrê tâ. Tơdroăng tơnêi têa kal drêng kố ôh tá xê to khŏm mơ-eăm kal kí, mê cho tơdjêp inhên, cho tơdroăng pơhlêh păng ‘nâng dêi tá khu cheăng kal kí, mâu khu tê mơdró, khu tuăn ngôa rơkê, khu cheăng khoa hok ƀă lâp pơlê pơla.