Kơxo hâi lơ 26/6, pôa Yoon Suk-yeol, Kăn xiâm pơkuâ kong têa Hàn Quốc rơtế ƀă mâu kăn dêi Hàn Quốc hiăng troh a Hà Nội, pơxiâm lăm pôu tơnêi têa Việt Nam sap hâi lơ 22 troh lơ 24/6/2023 tiô rơkong krếo thế dêi pôa Võ Văn Thưởng, Kăn xiâm hnê ngăn tơnêi têa. Kố cho hneăng lăm pôu râ kăn xiâm Tơnêi têa ki apoăng troh Việt Nam dêi pôa Yoon Suk-yeol, Kăn xiâm pơkuâ kong têa Hàn Quốc ƀă Việt Nam xuân môi tiah kong têa Đông Nam Á ki apoăng dêi pôa Yoon Suk-yeol troh lăm pôu klêi to pro kăn a khế 5/2022.

Hneăng lăm pôu po tung pơlâ tơrŭm cheăng péa pâ mơnhông tơƀrê. Péa pâ hiăng mơdêk tơrŭm cheăng tung tŭm tơdroăng pơ’lăng troh leh tơbâ 30 hơnăm mơjiâng tơrŭm cheăng ( hơnăm 2022). Hneăng lăm pôu xuân mơhno ki nhoăm dêi Chin phuh Hàn Quốc ƀă tá kăn xiâm pơkuâ kong têa Hàn Quốc ƀă Việt Nam - Hàn Quốc.

Hneăng lăm pôu Việt Nam rôh kố dêi kăn xiâm pơkuâ kong têa Hàn Quốc ai pơxúa cho rơtế ƀă Việt Nam, kong têa tơrŭm cheăng ki kal dêi Hàn Quốc, pơxiâm tơbleăng pêi tŭm “Hriăn plĕng ki nếo môi tuăn pơla Hàn Quốc - ASEAN (KASI).