Troh nôkố, tâi tâng 65 to cheăm, bêng, kơpong pêi cheăng (cho kơpong rêh ối pêi cheăng Trường Sa) ối tung kong pơlê Khánh Hòa hiăng mơjiâng pro klêi, pơkâ tơniăn inâi kuăn pơlê ƀă inâi, hơnăm kot mâ dêi ngế ki lo tơbriât vâ to pro kăn tro pơkâ, hlối pơtối séa ngăn mâu hlá mơ-éa tung măng internet kuăn pơlê vâ rak tơniăn tro hnoăng tâ phĭu. Kong pơlê mơjiâng 4 Khu tâ phĭu pôk kăn Kuô̆k hô̆i, 19 Khu pôk kăn Hô̆i đong hnê ngăn kong pơlê, 387 Khu tâ phĭu pôk kăn Hô̆i đong hnê ngăn râ cheăm; kĭ pơkâ 1.123 kơpong tâ phĭu tơ’mô ƀă 1.123 tôh tâ phĭu.

Khánh Hòa ai 20 ngế chêh inâi vâ tơbriât pro kăn Kuô̆k hô̆i a 4 tíu tâ phĭu vâ pôk 12 ngế kăn; 108 ngế chêh inâi vâ pro kăn Hô̆i đong hnê ngăn kong pơlê vâ pôk 67 ngế kăn; Hô̆i đong hnê ngăn râ cheăm tiô tối kô pôk 1.392 ngế kăn.