Tiô pơkâ, Khánh Hòa mơ-eăm mơjiâng ‘na chiâk deăng tơƀrê, tơniăn tŭm kế kâ, rơtế ƀă pơkâ mơnhông kong pơlê chiâng pơlê kong kân râ Xiâm tơnêi têa a hơnăm 2027. Ki xiâm cho pơtối rak ki tơ’lêi hlâu ‘na cheăng kâ a têa kơxĭ, mơnhông rơdêi tơdrăng cheăng ‘na têa kơxĭ ƀă xúa kơmăi ki dâi lĕm, mơnhông Khánh Hoà chiâng Tíu xiâm pêi cheăng a têa kơxĭ tơnêi têa; pê klêi tơdroăng cheăng păn rak, tơnăng, hriăn pro ƀă tê ăm kong têa ê ká xi xŏng tiô troăng hơlâ ki nếo, krá kak.

Kong pơlê pơkâ pêi khŏm tâk rĕng ‘na kơvâ chiak deăng, loăng kong, ká xi xŏng lối 3% rêm hơnăm. Troh hơnăm 2030, kơpong kố  châ dâng 8,5% tâi tâng tơmeăm pê lo ing cheăng kâ. Khu pơkuâ hnê ngăn Đảng ủi kong pơlê hiăng pơkâ 7 khu tơdroăng cheăng, troăng hơlâ ki kal, pơkâ pêi tơdrêng, kơvâ cheăng tơkŭm tơbleăng tơdrêng tơdâng, pro hơ’lêh nhên tung mơnhông  ‘na chiâk deăng, thôn pơlê tung la ngiâ.