Khu hnê mơhno Tâ phĭu kong pơlê tơkŭm po 4 khu séa ngăn tơdrêng a mâu tôh tâ phĭu, tíu tâ phĭu, séa ngăn rêm tơdroăng tơkŭm po, tơniăn tro luât, krá tơniăn. Troh nôkố, 65/65 cheăm, bêng, kơpong cheăng kâ a kong pơlê Khánh Hòa hiăng pêi kêi đeăng tơdroăng pro ƀă chêh inâi mâu ngế ki tâ phĭu, tơdroăng pêi cheăng hriâm tâp dêi ngế ki tơbriât to pro kăn tiô pơkâ.

Mâu cheăm bêng pơtối séa ngăn mâu ngế ki ôh tá ối môi tiah môi tiah lăm tơnăng ká xi xŏng a têa kơxĭ ton hâi, pêi pro hnoăng cheăng lêng, ôh tá ối tung pơlê môi pơla ƀă hía hé vâ tơniăn hnoăng tâ phĭu dêi kuăn pơlê châ pêi pro tŭm, ôh tá ai xôi klâi. Rơtế ƀă kế tơmeăm, tơdroăng pơtâng tối châ pêi pro rơdêi tiô troăng ƀeăn ƀĕng, tơtro rêm pơlê; tơtrŏng mơhnhôk kuăn pơlê ki ối pơtân, pêi cheăng tơnăng ká xi xŏng a têa kơxĭ, ƀok xối, yah  chĭng, ƀop phop, jâ phop, kuăn khôp; mơdêk chôu phut pơtâng tối ƀă nâl Raglai, Rơđế, Chăm a kơpong hdroâng kuăn ngo.