VOV4.Xơ Đăng - Tung  2 hâi, lơ 26 ƀă 27/7, Tơdroăng pêi pro djâ ki ro dêi mâu tơdroăng cheăng a rơnó pơtê hriâm Việt Nam hơnăm 2022 tơkŭm pêi mâu tơdroăng cheăng a Pơlê kong xiâm Huế, kong pơlê Thưà Thiên Huế. Tơdroăng mê po sap ing hâi lơ 19/7 troh lơ 3/8 a 9 to kong pơlê, pơlê kong kân, veăng amê ai 108 ngế tung khu ki sap ing 16 hơnăm troh 24 hơnăm. Teăng mâ ăm mâu rơxông nếo mơngế Việt Nam a kong têa ê vêh a tơnêi têa lo ing 25 to kong têa.

Khu pêi pro tơdroăng cheăng a rơnó pơtê hriâm Việt Nam hơnăm 2022 xup um tơbâ a Đại Nội Huế

A Huế, mâu ngế ki pêi pro tơdroăng cheăng a rơnó pơtê hriâm Việt Nam hơnăm 2022 veăng pêi hên tơdroăng môi tiah tơ’noăng hơ’muăn ƀă nâl Xuăn, veăng lăm ngăn Hngêi chuô Linh Mụ, Đại Nội Huế, diâp tơmeăm tŏng kum, trâm tơpui tơno xah ôm hêi pú hên a ‘núa prêi Lăng Cô. Khu kố ối châ kâ mâu kơchâi kế kâ ki vâi hmâ ô eăng dêi a Huế ƀă châ ôu têa chế dêi pơtáu roh nah.

Riân sap ing hơnăm 2004, Tơdroăng pêi cheăng a rơnó pơtê hriâm Việt Nam hiăng tơ’mot hên vâ chê 2.000 ngế mâu droh rơtăm, sinh viên mơngế Việt Nam lo ing 30 to kong têa ƀă tung kơpong.

Mâu ki veăng pêi pro tơdroăng mê to mâu ngế ki kơhnâ hlối rơkê tung mâu tơdroăng hriâm tâp, ‘na pơtâp ivá, ‘na hơdruê xuâng ƀă ai hnoăng veăng ‘no hên tung tơdroăng mơjiâng khu kuăn pơlê.

Gương tơplôu ƀă tơbleăng