VOV4.Xơ Đăng - Khu pơkuâ ngăn Đoàn Dak Lak nếo tơkŭm po tơdroăng trâm mâ pơla Khu pơkuâ ngăn Đoan droh rơtăm Kŏng san Hồ Chí Minh kong pơlê Dak Lak (Việt Nam) ƀă Khu pơkuâ ngăn Đoan droh rơtăm nhân dân kăch măng Lếo kong pơlê Chămpasắk, kong têa Lếo. Mâu kăn ƀô̆ dêi 2 kong pơlê hiăng tơbleăng ‘na tơdroăng cheăng kâ rêh ối pơlê pơla, khu kăn ki pêi dêi hnoăng cheăng ƀă tơdroăng tơ’noăng droh rơtăm dêi 2 kong pơlê tung pơla 5 hơnăm hdrối nah.

Tâ tá rôh trâm mâ

Tơpui tơno hnoăng cheăng hnê tối, hnê hriâm ăm kăn ƀô̆ đoàn,đoàn viên, mâu phô̆m vâ xông kân tung tơdroăng pêi pro mâu troăng hơlâ pơkâ dêi Đảng, troăng hơlâ luât dêi Tơnêi têa, Tơdroăng tơkêa tơrŭm cheăng hiăng kĭ pơla kăn pơkuâ Đảng, Tơnêi têa Việt Nam – Lếo, Lếo – Việt Naml tơrŭm tơroâ, tơrŭm ki tơviah pơla Việt Nam – Lếo, Lếo – Việt Nam, pơla kong pơlê Dak Lak ƀă kong pơlê Chămpasắk. Hnoăng cheăng dêi khu tơrŭm Đoàn tung tơdroăng rơtế, tŏng kum droh rơtăm mơdêk ki rơkê plĕng, djâ troăng ahdrối, veăng mơnhông mơdêk cheăng kâ, mơhno túa lĕm tro, pơlê pơla, gâk kring pơlê pơla cheăm bêng.

Katarina Nga tơplôu ƀă tơbleăng