Kơxo hâi lơ 4/7, a pơlê kong kơdrâm Tam Kỳ, kong pơlê Quảng Nam, Khu hnê mơhnôk cheăng xiâm tơnêi têa tơkŭm po Hôp mơgêi tơdroăng cheăng 6 khế apoăng hơnăm. Tiô tối tơbleăng, 6 khế apoăng hơnăm kố, Khu hnê mơhnhôk cheăng rêm râ hiăng hbrâ hơ‘lêh nếo, hriăn plĕng ki nếo, tung tơdroăng tí tăng ‘nâi plĕng ăm Khu xiâm kal kí, Khu kăn hnê ngăn Đảng, rêm râ ủy, tơkŭm po, tơbleăng mâu tơdroăng cheăng ki kal tung mơjiâng Đảng, mơ-eăm tơplâ hbrâ mơdât kâ kơluâ, pro ôh tá tro, veăng mơjiâng Đảng krúa lĕm, rơdêi.

Xông tơpui a hneăng hôp, pôa Nguyễn Trọng Nghiã, Ngế pơkuâ hnê mơhnhôk cheăng xiâm tơnêi têa  tối nhên mâu tơdroăng ki kal dêi kơvâ Hnê mơhnhôk cheăng kal kí 6 khế mơ’nui hơnăm 2023. Ing mê, pơtối tơbleăng pêi tơƀrê, tơniăn mâu tơdroăng tơkêa bro chêh mơgêi tâi tâng klêi mê pơtroh ăm Khu xiâm kal kí, Kăn hnê ngăn Đảng; Pơtối mơdêk hnoăng cheăng hnê tối, pro xiâm tơbleăng troh lâp lu, môi tuăn tung tâi tâng Đảng, tâi tâng kuăn pơlê; pơtối mơ-eăm pê klêi pơkâ, hnoăng cheăng hiăng pơcháu plâ hneăng má 13.