VOV4.XơĐăng - Kơxo lơ 20/9, khu kăn hnê mơhno cheăng xiâm tơnêi têa ‘na hbrâ mơdât kâ kơluâ, mơdât pêi pro ôh tá tro xua Đại tướng Tô Lâm, Ngế cheăng tung khu xiâm kal kí, Ngế xiâm pơkuâ kŏng an, Ngế phŏ hnê mơhno cheăng xiâm dêi tơnêi têa  ‘na hbrâ mơdât kâ kơluâ, pro ôh tá tro pro ngế xiâm pơkuâ djâ khu kăn ai rôh pêi cheăng ƀă Khu kăn pơkuâ hnê ngăn Đảng ủy kong pơlê Dak Lak tơpui tối tơbleăng hdrối mâu tơdroăng séa ngăn dêi Khu kăn séa ngăn kơxô̆ 4 a Khu kăn pơkuâ hnê ngăn Đảng ủy kong pơlê Dak Lak.

PôaNguyễn Xuân Trường, Ngế xiâm ngăn ‘na kong pơlê cheăng tung Khu kăn xiâm tơnêi têa teăng mâ khu kăn ki lăm cheăng tối tơbleăng hlá mơ-éa chêh hiăng klêi séa ngăn

Tiô hlá mơ-éa tối tơbleăng ăm ‘nâi, tơdroăng séa ngăn dêi khu kăn, rêm hơnăm, khu kăn pơkuâ hnê ngăn Đảng ủy kong pơlê Dak Lak xuân pơkâ ƀă pêi pro tro mâu pơkâ séa ngăn tơdroăng săm phoăng, tí tăng séa ngăn, tơleăng pơxâu phâk mâu ngế pro xôi, tơdroăng xôi kâ kơluâ, ‘na cheăng kâ, tơdroăng xôi ki pá vâ châ ‘nâi, tơvâ tơvân tung tơleăng mơnhên, tơdroăng hên ngế rơhêng vâ ‘nâi plĕng ƀă séa ngăn mâu rôh tí tăng ngăn ‘na cheăng kâ - rêh ối a mâu kong pơlê, tíu pêi cheăng ƀă tơrŭm ƀă tơdroăng ki kal mê tung tơdroăng tơrŭm pêi pro tiô troăng rơhlâ ki kân dêi Đảng ƀă luât tơnêi têa ƀă tơdroăng hbâ mơdât kâ kơluâ, pêi pro ôh tá tro.

Tơpui mơgêia rôh pêi cheăng, Đại tướng Tô Lâm, Ngế cheăng tung khu xiâm kal kí, Ngế xiâm pơkuâ Kŏng an, Ngế phŏ hnê mơhno cheăng xiâm tơnêi têa ‘na hbrâ mơdât kâ kơluâ, mơdât pro ôh tá tropơkâ thế: Khu kăn pơkuâ hnê ngăn Đảng ủy kong pơlê Dak Lak pơtối hnê mơhno mâu khu râ  Đảng, mâu kăn, mâu đảng ƀô̆, chi bộ tíu pêi cheăng hnê tối nhên, ‘nâi tơdroăng ƀă pêi pro tro kơtăng mâu troăng rơhlâ, tơdroăng pơkâ dêi Đảng ƀă luât tơnêi têa, xuân môi tiah Khu kăn pơkuâ hnê ngăn Đảng ủy kong pơlê, Vi ƀan kong pơlê tung hbrâ mơdât, kâ kơluâ, mơdât pro ôh tá tro.

Đăi tươ̆ng Tô Lâm,Ngế cheăng tung khu xiâm kal kí, Ngế xiâm pơkuâ Kŏng an, Ngế phŏ hnê mơhno cheăng xiâm tơnêi têa ‘na hbrâ mơdât kâ kơluâ, mơdât ôh tá tro tối tơbleăng mơgêi

Mơdêk tơdroăng cheăng séa ngăn, tí tăng ngăn xuân môi tiah tí tăng séa mơnhên dêi Khu kăn Đảng ủy, rêm râ, tơkŭm cheăng Đảng ƀă tơdroăng cheăng hbrâ mơdât kâ kơluâ, pro ôh tá tro tối tơchoâm, tơdroăng tơdah xo, tơleăng mơnhên săm phoăng, tối ăm ‘nâi ‘na tơdroăng xôi ƀă pâ thế tơleăng phâk tối krê.

Mơdêk ki tơƀrê tung cheăng séa ngăn, tí tăng ngăn, séa ngăn nhên, hlối pâ thế, Khu kăn Đảng ủy kong pơlê Dak Lak hbrâ mơjiâng pơkâ pêi vâ tơkâ luâ xơpá, tơvâ tơvân ƀă pêi tŭm mâu tơdroăng pâ thế hiăng chêh tối tung Hlá mơ-eá tơbleăng ăm ‘nâi tơdroăng séa ngăn dêi Khu lăm mơnhên ngăn kơxô̆ 4, tối tơbleăng Khu hnê mơhno cheăng xiâm tơnêi têa ‘na hbrâ mơdât kâ kơluâ, pro ôh tá tro tiô tơdroăng pơkâ.

Krê kong pơlê Dak Lak, Khu kăn pơkuâ hnê ngăn Đảng ủy kongpơlê kal tơmâng khât tâ nếo tung hnoăng cheăng pơkuâ hnê mơhno mâu kơ koan, khu râ pơkuâ vâ rĕng cheăng châ ‘nâi mâu tơdroăng xôi tung tơdroăng rak ngăn tơnêi, tơmeăm khoăng, rak ngăn kong.

Gương tơplôu ƀă tơbleăng