Khu kăn dêi Chin phuh xua pôa Bùi Thanh Sơn - Ngế xiâm ngăn 'na Tơpui kâ pro ngế xiâm pơkuâ djâ khu kăn lăm pêi cheăng ƀă kong pơlê Kon Tum ‘na tơdroăng pêi cheăng tê mơdró, ‘no liăn cheăng mơjâng tơmeăm khoăng ƀă tê rôe kế tơmeăm kong têa ê.

Klêi tí tăng ngăn hlo ai khât a mâu tơmeăm khoăng mơjiâng pro, tơdroăng ki kal, a rôh pêi cheăng ƀă Vi ƀan hnê ngăn kong pơlê Kon Tum, pôa Bùi Thanh Sơn, Ngế xiâm Tơpui kâ khĕn kơdeăn khât mâu tơdroăng cheăng, kơvâ cheăng ki xiâm, a rôh pêi cheăng ƀă Vi ƀan kong pơlê Kon Tum, pôa Bùi Thanh Sơn khĕn kơdeăn khât tơdroăng kơdôu mơ-eăm dêi kong pơlê tung tơdroăng mơ-eăm mơnhông chiâng môi tung mâu kong pơlê ki djâ troăng a hdrối dêi kơpong Tây Nguyên.

Tối mâu tơdroăng hâi chiâng pêi pro, ki pro hâi tro tung mơnhông cheăng kâ - rêh ối dêi kong pơlê Kon Tum 4 khế apoăng hơnăm pêi tro tiô tơdroăng hnê mơhno dêi Ngế pro xiâm hnê ngăn Chin phuh a Tơdroăng pơkâ 08, ‘nâi nhên xo liăn ngân vâ ‘no mơjiâng tơmeăm khoăng tơnêi têa cho môi tung mâu tơdroăng cheăng ki kal khât má môi.

Pâ thế khu xiâm mơjiâng tơmeăm khoăng, Khu xiâm ngăn ‘na tơmeăm khoăng têa, tơnêi ƀă Hyôh kong prâi hmâ séa ngăn pâ thế dêi kong pơlê Kon Tum rĕng tí tăng ‘nâi plĕng tiô pơkâ nhên, môi tuăn pơla tơdroăng pơkâ xúa tơnêi ƀă pơkâ kơphô̆.