Khu kăn hnê ngăn Đảng vâ ăm pôa Phạm Ngọc Nghị pơtê pro kăn hnê ngăn Vi ƀan kong pơlê Dak Lak
Thứ ba, 14:00, 15/04/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxo hâi lơ 14/4, a hneăng hôp tơpui tơdroăng ki xiâm rôh má 114, Khu kăn pơkuâ hnê ngăn Đảng kong pơlê Dak Lak tơbleăng pơkâ dêi Kăn xiâm pơkuâ hnê ngăn Đảng tơbleăng pơkâ dêi Khu kăn hnê ngăn Đảng ‘na tơdroăng tơbleăng pơkâ dêi Khu kăn hnê cheăng Đảng ăm pôa Phạm Ngọc Nghị, Kăn hnê ngăn Vi ƀan kuăn pơlê kong pơlê Dak Lak, pơtê cheăng hdrối hơnăm pơkâ pơtê.
Ing mê, pôa Phạm Ngọc Nghị pơtê cheăng, pơtê cheăng tung khu Kăn, Khu pơkuâ hnê ngăn cheăng Đảng kong pơlê, pơtê pro phŏ pơkuâ hnê cheăng Đảng kong pơlê ƀă mâu tơdroăng cheăng tơdjâk ki ê. Mâu tơdroăng ăm kâ liăn, tơdroăng tŏng gum châ pêi pro tiô pơkâ nôkố.
Hdrối mê, pôa Nghị hiăng ai đơn pâ pơtê cheăng hdrối hơnăm pơkâ pơtê. Apoăng khế 4 kô nah, pôa Nghị tro Vi ƀan Séa ngăn Tíu xiâm pơxâu tơdroăng xôi ƀă tơdroăng hnê tối hdrối xua pro xôi luât dêi Đảng ƀă luât Tơnêi têa, pro rơ-iô ó pro kơdroh mơngế loi nhoăm. Mơ’nui hơnăm 2024, pôa xuân tro Ngế pro xiâm hnê ngăn tơnêi têa tơtrâ hôu xua ai xôi tung pơla pêi cheăng.
Viết bình luận