VOV4.XơĐăng - Hâi lơ 20/7, Khu kăn séa ngăn dêi Kuô̆k hô̆i xua Thươ̆ng tươ̆ng Trần Quang Phương, kăn xiâm phŏ hnê ngăn Kuô̆k hô̆i pro kăn pơkuâ khu kăn kố hiăng pêi cheăng ƀă Vi ƀan hnê ngăn kong pơlê Thanh Hóa ‘na tơdroăng ki pêi pro kơdĭng, mơdât tơdroăng ki mơhrê liăn ngân tê kơtê hneăng hơnăm 2016 – 2021. A rôh pêi cheăng, kăn pơkuâ Vi ƀan hnê ngăn kong pơlê Thanh Hóa hiăng tối tơbleăng ăm khu kăn ki pêi dêi hnoăng cheăng ‘na pêi pro troăng hơlâ, luât pêi pro kơdĭng, hbrâ mơdât mơhrê liăn ngân tê kơtê tung rak ngăn, xúa liăn hneăng hơnăm 2016 – 2021.

Tối tơbleăng a rôh pêi cheăng, Thươ̆ng tươ̆ng Trần Quang Phương, khu kăn séa ngăn, tơkŭm hnê mơhno ‘mâi mơnhông mâu tơdroăng ki tá hâi pêi pro klêi, pro tơdroăng ki hơ’lêh tơdrêng hlối tung pơla séa ngăn. Mơdêk hnoăng cheăng hnê mơhno, pơkuâ, tơkŭm pêi pro tung mâu kơvâ cheăng pêi pro kơdĭng, hbrâ mơdât mơhrê liăn ngân tê kơtê, ki kal cho hơ’lêh ó rơdêi tơdroăng ki ‘no liăn cheăng tê mơdró, vâ mơhnhôk hên kơxô̆ liăn ăm tơdroăng ki ‘no liăn cheăng mơnhông.

Katarina Nga tơplôu ƀă tơbleăng