VOV4.Xơ Đăng - Drêng troh leh tơbâ 11 hơnăm Hâi Pôa Hồ lăm tăng troăng tŏng kum tơnêi têa, leh tơbâ 75 hơnăm hâi mâu lêng rong râ hlâ hía, kơxo lơ 4/8, a tíu mơhno tơbeăng um tơmeăm Hồ Chí Minh, Khu kăn dêi Rơ’jiu Việt Nam xua pôa Đỗ Tiến Sỹ, Ngế cheăng tung tíu xiâm Đảng, Ngế pơkuâ rơ’jíu xiâm Việt Nam pro ngế xiâm pơkuâ djâ lăm chôu nháng, pleăng reăng tơbâ hnoăng Pôa, chôu nhang tơbâ mâu ngoh hlâ a ilâng kiâ ‘mé mâu hlâ ai hnoăng tơnêi têa dêi pơlê kong kân Hồ Chí Minh.

Khu kăn xiâm dêi Rơ’jiu Việt Nam chôu nháng tơbâ troh Pôa Hồ Chí Minh -  Kăn xiâm hnê ngăn tơnêi têa ki apoăng

Tung chôu phut phiu ro, pôa Đỗ Tiến Sỹ ƀă mâu kăn hiăng hmái hơtĭng môi phut pâ troh mâu ki hlâ ƀă ngôi nhang xú lĕm mơhno hiâm mơno nhoăm pâ, tơdroăng ki vâ mơnê kơ hnoăng hiăng ‘no kân kĭn dêi Hồ Chí Minh, Kăn xiâm hnê ngăn tơnêi têa ki apoăng- Ngế hiăng ‘mâi plâ rơxông tung pơla rêh ối xua kuăn pơlê, xua tơnêi têa, xua tơdroăng cheăng pro tơleăng lĕm hdroâng mơngế, tơleăng lê̆m tơmêi têa. Klêi lêh chôu nhang tơbâ pôa Hồ Chí Minh, khu kăn hiăng troh chôu nháng a ilâng kiâ mâu ngế hlâ ai hnoăng a pơlê kong kân Hồ Chí Minh a Ngo ôh tá ai inâi a pơlê kong kân Thủ Đức, cho tíu ‘mé vâ chê 14 rơpâu 500 ngế ki hlâ ai hnoăng tơnêi têa.

Gương tơplôu ƀă tơbleăng