VOV4.Xơ Đăng - Drêng troh leh tơbâ 77 hơnăm Kăch măng khế Tơheăm, 77 hơnăm Hâi mơjiâng khu lêng kŏng an tơnêi têa lơ 19/8, ƀă 17 hơnăm hâi Leh tâi tâng kuăn pơlê kring vế tơnêi têa lơ 19/8, kơxo lơ 19/8, a Hà Nội, Khu kăn Đảng ủy Kŏng an xiâm tơnêi têa ƀă Khu xiâm Kŏng an xua Đăi tươ̆ng Tô Lâm, Ngế cheăng tung khu xiâm kal kí, kăn hnê ngăn Đảng ủy, Ngế xiâm pơkuâ kŏng an pơkuâ djâ troăng lăm ‘măn hơvĭng reăng a hngêi ‘măn poăng pôa Hồ Chí Minh.

Khu kăn xiâm kŏng an mot a hngêi ‘măn poăng Pôa Hồ Chí Minh, Kăn xiâm hnê ngăn tơnêi têa ki apoăng

Luâ 77 hơnăm mơjiâng, tơplâ ƀă xông rơdêi, mâu lêng kŏng an tơnêi têa rơtế ƀă tâi tâng Đảng, tâi tâng kuăn pơlê, tâi tâng mâu lêng hiăng pêi pro tơ-brê tung tơdroăng cheăng kâ tơplâ bro tơleăng lĕm tơnêi têa, lâp tơnêi têa tơrŭm môi, mơjiâng dêi tơnêi têa xông tơ-brê. Nôkố, tung tơdroăng nếo nôkố pơkâ pơloăng mơnúa ƀă rôh ki tơvât, mơhno tro tâ nếo hnoăng cheăng, tơdroăng cheăng pêi dêi mâu lêng xiâm tung tơdroăng kring vế tơniăn tơnêi têa, rak tơnêi têa, tơniăn pơlê pơla, Đảng, Tơnêi têa ƀă kuăn pơlê pin kal thế mâu lêng kŏng an tơnêi têa pơtối rak vế pêi pro tơdroăng ki lĕm khên tơnôu, mơ-eăm ôh tá la lâi pơtê, tơkâ luâ tơrŭm tơdroăng pá, pơloăng mơnúa, pê klêi tŭm tơdroăng cheăng châ pơcháu.

Gương tơplôu ƀă tơbleăng