Ƀă inâi “Pơhlêh nếo rơdêi túa pêi cheăng dêi Đoân”, Khế Droh rơtăm tơbleăng pêi 12 tơdroăng pêi ki kal, tơkŭm tung hnê hriâm, pêi cheăng, pơhlêh kơxô̆, tŏng gum rêh ối pơlê pơla ƀă tŏng gum droh rơtăm pêi cheăng. Rôh kố, Khu pơkuâ ngăn Đoân Droh rơtăm kong pơlê tơbleăng rôh tơ’noăng ing troăng hyôh internet tăng ‘nâi Pơkâ Hneăng hôp Đảng ƀă Hneăng hôp Đoàn rêm râ; pêi pro Têt pêt loăng; diâp tơmeăm ăm droh rơtăm pro ƀă diâp tơmeăm ăm hok tro, mố đô̆i Gâk tơkăng kong Bo cheăng Kơno Vũng Rô.

Klêi leh tơbleăng, mâu khu kố pêt loăng, kơpuih văng mơgrúa lĕm hyôh kong prâi, pơxiâm pro plông peăng ƀâ long ƀă hiăng pro klêi tíu mơ’no hyôh wifi tê kơtê. Tâi tâng kơxô̆ liăn ‘no pêi lối 200 rơtuh.