VOV4.Xơ Đăng - Pơtối tơdroăng Hneăng hôp tơnêi têa 6, hneăng má XIII, kơxo lơ 6/10, Khu xiâm pơkuâ Đảng pêi cheăng a Hngêi hôp kân, tơpui tơno ‘na Tơdroăng tơkêa bro pơtối thăm pêi pro rơdêi pêi cheăng xúa kơmăi kơmok rơxông nếo, tơnêi têa pêi cheăng tiô rơxông nếo troh hơnăm 2030, tơmiât pêi troh hơnăm 2045.

Tâi tâng Hneăng hôp Tơnêi têa 6

Pôa Vương Đình Huệ, Kăn cheăng tung Khu xiâm kal kí, Kăn xiâm hnê ngăn Kuô̆k hô̆i, teăng mâ Khu xiâm kal kí pơkuâ tơpui tơno. Peăng kơxê, Khu xiâm pơkuâ Đảng pêi cheăng a tôh, tơpui tơno Mơ-éa Tơbleăng tơdroăng cheăng kâ – rêh ối pơlê pơla, hngêi arak liăn tơnêi têa hơnăm 2022, tiô tối hdrối pơkâ pêi mơnhông mơdêk cheăng kâ – rêh ối pơlê pơla, liăn ngân tơnêi têa hơnăm 2023 ƀă ‘na pơkâ pêi ‘na liăn ngân tơnêi têa 3 hơnăm 2023 – 2025.

VOV/Tơplôu: A Sa Ly