Luâ 03 khế tơbleăng rôh ki hên ngế pro xôi, pơxâu phâk mâu ki pro xôi troăng prôk, mâu Kăn sát gak troăng prôk hiăng châ hlo ƀă pơxâu lối 788 rơpâu ngế pro xôi troăng prôk; lối 112 rơpâu ngế pro xôp ‘na kơto têi drô troăng prôk... Pakĭng mê, mâu lêng kŏng an  hiăng tơkŭm, hnê tối lối 31 rơpâu ngế kăn hngêi pơchên kâ ôu, kuăn ôu kâ, tíu tuih xuâng...

Khu xiâm kŏng an hôp mơgêi tơdroăng séa ngăn, pơxâu phâk mâu ki pro xôi prôk drô troăng

Mơhnhôk lối 25 rơpâu khu mơdró, 109 rơpâu ngế rak vế tro luât pơkâ tơdroăng xo xui tơmeăm, chơ tơmeăm tro tiu pơkâ ăm chơ dêi rơxế; đi đo tro hnê tối ăm tơmối troh kâ ôu a mâu hngêi pơchên kế kâ rak tro luât pơkâ hbrâ ‘na mơdât on chếo, mơdât ki ‘pro ‘mêi dêi drôu ƀiê̆r; ôh tá vê rơxế drêng hiăng ôu drôu biê̆r. Ing mê, veăng rak  tơniăn drô troăng prôk, vâ kơdroh xía vâ a troăng prôk tung lâp tơnêi têa, kơdroh xía vâ troăng prôk 3 tơdroăng pơkâ tâng vâ pơchông ƀă hdrối nah.