VOV4.Xơ Đăng - A pơlê kong kơdrâm Plei Ku, khu pêi cheăng dêi Khu xiâm Kŏng ti Tân Cảng Sài Gòn hiăng tơkŭm xo rak ngăn, păn roăng plâ rơxông 10 ngế ki ai kuăn ‘nĕng hlâ xua tơplâ, mâu ngế ai hnoăng ƀă kăch măng ƀă hlối diâp hnoăng liăn “Bâ eăng tơdroăng púi vâ” 2022 ăm vâi o hok tro ki kơtiê xơpá.

Khu xiâm Kŏng ti Tân Cảng Sài Gòn hbru tơmeăm ăm mâu ngế ai kuăn ‘nĕng hlâ ai hnoăng, rơpŏng hngêi ai hnoăng tơnêi têa a Gia Lai

A hâi leh, Khu xiâm Kŏng ti Tân Cảng Sài Gòn (Quân chủng Hải quân) hiăng diâp pơkâ xo păn roăng 10 ngế ki ai kuăn ‘nĕng hlâ, rơpŏng hngêi ai hnoăng ƀă kăch măng a 9 tơring, mê cho: Ia Grai, Đức Cơ, Kƀang, Kông Chro, Čư Prông, Đăk Đoa, Ia Pa, Krông Pa ƀă ‘Mang Yang. Khế hơnăm xo păn roăng riân ing khế 7/2022, tá kơxô̆ liăn tŏng kum rêh kâ rêm khế, lăm pôu ngăn, hâi lêh, hâi têt ƀă kơxô̆ liăn 22 rơtuh liăn/ngế/hơnăm.

Xuân tung rôh kố, Khu xiâm Kŏng ti tơkŭm diâp hnoăng liăn “bâ eăng tơdroăng púi vâ “ ăm 10 ngế hok tro kơtiê, tơkâ luâ xơpá, mơ-eăm tung hriâm tâp, rêm hnoăng liăn kơnâ 5 rơtuh liăn.

Gương tơplôu ƀă tơbleăng