VOV4.Xơ Đăng - Khu xiâm ngăn Kŏng an hiăng ai pơkâ pôk jâ Trung tă Ksor H’Bơ Khắp – ngế xiâm ngăn Kŏng an pơlê kong krâm a Ayun Pa pro kăn phŏ ngăn Kŏng an kong pơlê Gia Lai. Tiô Pơkâ dêi Khu xiâm ngăn Kŏng an, Trung tă Ksor H’Bơ Khắp châ pôk sap ing hâi lơ 18/8/2022. Trung tă Ksor H’Bơ Khắp kot mâ hơnăm 1982, inâi hmâ khê̆n cho Ksor Phước Hà, pơlê ối a cheăm Ia Trôk, tơring Ia Pa, kong pơlê Gia Lai, hriâm klêi Đăi hok Anh ninh Nhân dân, hriâm klêi thak sih luât.

Trung tă Ksor H’Bơ Khắp

Hdrối châ pôk kăn phŏ pơkuâ Kŏng an kong pơlê Gia Lai, Trung tă H’Bơ Khắp pro kăn phŏ ngăn Kŏng an pơlê kong krâm Ayun Pa. Sap ing hơnăm 2016 troh 2021, jâ H’Bơ Khắp cho kăn Kuô̆k Việt Nam, hneăng 14, ối tung khu kăn Kuô̆k hô̆i kong pơlê Gia Lai; pro kăn pơkuâ Kŏng an Pơlê kong krâm Ayun Pa sap ing hơnăm 2019 troh khế 8/2022.

Katarina Nga tơplôu ƀă tơbleăng