Khu xiâm ngăn Mố đô̆i rong ƀă rêh ối pơlê pơla nếo tơkŭm ƀă Khu rak liăn vâi hdrêng lâp plâi tơnêi a Việt Nam tơkŭm po hôp tơpui ‘na vâi hdrêng tung lâp plâi tơnêi kơxô̆. Kố cho tơdroăng pêi pro vâ troh Khế pêi pro tơdroăng cheăng xua vâi hdrêng hơnăm 2023 pơxá “Rơtế ƀă dêi rơpó kơdroh ôh tá tơniăn a vâi hdrêng’’.

Tung hơnăm hdrối, Đảng Tơnêi têa Việt Nam ƀă tá khu cheăng kal kí hiăng veăng tơmâng vâ kring vế lĕm tro tâ ăm vâi hdrêng tung Internet. Tơdroăng ‘na luât  kring vế vâi hdrêng tung măng hiăng châ Việt Nam tơmâng mơjiâng, pro xiâm ki kal: Luât vâi hdrêng, Luât rak tơniăn tung măng, luât tí tăng ‘nâi plĕng mâu tơdroăng.

Chin phuh, Ngế pro xiâm hnê ngăn Chin phuh hiăng pơkâ mâu hlá mơ-éa ki kal vâ kring vế vâi hdrêng tung măng. Tung mê, Ngế pro xiâm hnê ngăn Chin phuh hiăng kĭ Tơdroăng pêi pro tung lâp tơnêi têa xua vâi hdrêng pơla hơnăm 2021-2030; ƀă tơdroăng “Kring vế ƀă kơjo kum vâi hdrêng tung tí tăng ‘nâi plĕng tơdroăng ki lĕm, hriăn plĕng ‘na hyôh kong prâi tung măng pơla hơnăm 2021-2025.