VOV4.Xơ Đăng - Kơxo lơ 28/7, pôa Võ Văn Thưởng, ngế cheăng tung khu xiâm kal kí, Kăn hnê ngăn Đảng ƀă Khu kăn pêi cheăng dêi tíu xiâm tơnêi têa hiăng ai rôh pêi cheăng ƀă Khu kăn pơkuâ hnê ngăn Đảng kong pơlê Bình Định. Tiô tối tơbleăng 2 hơnăm hdrối, kong pơlê Bình Định hiăng tơkŭm tí tăng ‘nâi plĕng, hriâm, hnê tối ƀă tơbleăng pêi pơkâ Hneăng hôp mâu kăn tung lâp tơnêi têa roh má 13 dêi Đảng. Lâp tung kong pơlê hiăng tơkŭm po 507 to lâm hnê, hriâm pêi pro, tơbleăng pêi Pơkâ ƀă lối 65 rơpâu ngế kăn ƀô̆, đảng viên veăng hriâm, châ lối 98%.

Khu xiâm pơkuâ hnê ngăn Đảng pêi cheăng ƀă Khu ngăn cheăng Đảng kong pơlê Bình Định

A rôh pêi cheăng, pôa Võ Văn Thưởng, Ngế cheăng tung Khu xiâm kal kí, Ngế pơkuâ hnê ngăn Đảng pâ thế, tung la ngiâ kong pơlê Bình Định pơtối tơkŭm pêi kơtăng mâu pơkâ, klêi mê, tối mơgêi, pơkâ hnê mơhno dêi Đảng, malối cho mâu pơkâ ing klêi hơ’nâi hneăng hôp tung lâp tơnêi têa rôh má 13 troh nôkố, tung mê, malối cho mơdêk tơdroăng rak ngăn hnoăng cheăng đảng viên tung kong pơlê.

Gương tơplôu ƀă tơbleăng