VOV4.Xơ Đăng - Hâi lơ 7/10, Hneăng hôp Khu xiâm pơkuâ hnê ngăn Đảng má 6, hneăng 13 mot tung hâi pêi cheăng má pơtăm. Peăng kơxo, Khu xiâm pơkuâ hnê ngăn xiâm Đảng pêi cheăng tơdjuôm a hngêi hôp kân, tơno ‘na Tơbleăng pêi cheăng kâ, rêh ối pơlê pơla, tơdroăng tí tăng pêi mơjiâng ƀă hrê liăn ngân dêi tơnêi têa hơnăm 2022. Tiô tối hdrối, tơdroăng pơkâ mơnhông pêi cheăng kâ, rêh ối pơlê pơla, tơdroăng pêi mơjiâng liăn ngân tơnêi têa hơnăm 2023, ƀă tơdroăng pơkâ vâ mơjiâng, xúa kơxô̆ liăn tơnêi têa tung 3 hơnăm, sap ing hơnăm 2023 troh a hơnăm 2025.

Tâ tá Hneăng hôp xiâm Đảng tơnêi têa má 6

Peăng xêi, Khu xiâm pơkuâ hnê ngăn Đảng pêi cheăng tiô khu, tơno ‘na Tơdroăng tơkêa pêi Hdró mơjiâng tâi tâng tơnêi têa hneăng hơnăm 2021-2030, hnoăng cheăng vâ pêi pro troh a hơnăm 2050. Klêi mê, Khu xiâm ngăn ‘na cheăng kal kí pơtối ăm mâu kăn veăng tơpui tối ‘na tơdroăng tơmâng, tiâ mơnhên mâu tơdroăng cheăng ki xiâm dêi Khu xiâm pơkuâ hnê ngăn Đảng hiăng mơ’no tơpui tơno ‘na Tơdroăng tơkêa pêi pơtối mơjiâng ƀă pêi pro klêi Tơnêi têa tiô hnoăng luât xah hô̆i chuh ngiah Việt Nam tung chal nếo; Tơdroăng tơkêa pêi pơtối thăm mơdêk pêi cheăng kơmăi kơmok, pêi pro dâi lĕm ăm tơnêi têa troh a hơnăm 2030, hnoăng cheăng vâ pêi pro troh hơnăm 2045 ah nếo.

VOV/Tơplôu: Nhat Lisa