Kơ koan xiâm Pơ’leăng mâ mơngế - Ai kuăn preăng kuăn iâ, Khu xiâm pơkuâ ngăn pơkeăng ƀă khăm pơlât nếo tơkŭm po mit ting leh tơbâ Hâi pơ’leăng mâ mơngế Việt Nam (26/12). Tung pơla kố nah, tơdroăng pêi cheăng ‘na pơ’leăng mâ mơngế đi đo châ tơdroăng tơmâng tŏng kum dêi Đảng, Tơnêi têa ƀă châ tơƀrê kal khât. Kơlo tơtêk pơ’leăng mâ mơngế hiăng châ mơdât châ tơƀrê. Kơlo mơhum teăng ăm châ rak tung plâ 16 hơnăm hiăng hluâ.

Tơdroăng ‘na pơ’leăng mâ mơngế châ pêi pro tơtro. Pơ’leăng mâ mơngế tro hơnăm pêi cheăng tâk rơdêi. Ki dâi lĕm pơ’leăng mâ mơngế châ pơ’lêh tơdroăng. Hơnăm tơdâng tâk rĕng, châ 73,6 hơnăm a hơnăm 2021 ƀă hên tâ tâng pơchông kơlo tơdâng dêi kơpong peăng mâ hâi po pá hdroh châu Á.

Tiô Khu xiâm pơkuâ ngăn pơkeăng ƀă khăm pơlât, ing tơdroăng pơ’leăng mâ mơngế - ai kuăn preăng kuăn iâ hiăng kơdroh tơdroăng tâk tơ’nôm lối 20 rơtuh ngế tung chât hơnăm hiăng hluâ. Ing mê, hiăng kơdĭng mâu kơxô̆ liăn mơ’no ăm mâu tơdroăng tê mơdró pơlê pơla.