Pôa Võ Văn Thuưởng, Kăn xiâm hnê ngăn tơnêi têa nếo kĭ pơkâ tơdroăng cheăng Tơkêa tŏng kum ‘na luât tung kơvâ xivil pơla Việt Nam ƀă Lếo tiô tơdroăng pơkâ thế dêi Chin phuh. Tơdroăng kố châ kĭ tơkêa kô kum tơdroăng ki pro tơ’lêi hlâu ăm luât tung tơrŭm cheăng tŏng kum ‘na luât pơkâ ƀă xivil pơla mâu kơ koan ki ai hnoăng cheăng dêi Việt Nam ƀă Lếo. Tơdrêng amê, hnối chêh ‘no tơ’nôm vâ pêi pro klêi túa luât vâ rơtế dêi pó pêi pro lĕm tro tâ nếo tung hnoăng cheăng tŏng kum, veăng kum vâ thăm mơdêk tơrŭm cheăng lĕm tro pơla peá pâ tơnêi têa.

Tơdroăng ki chêh kĭ pơkâ Tiô tơdroăng ki nếo châ vâ rak vế, pêi pro tiô troăng hơlâ dêi Đảng, Tơnêi têa pin ‘na thăm mơdêk hnoăng cheăng lâp plâi tơnêi ‘na luât, ‘na mơjiâng tơdroăng luât ƀă pê pro tro tiô tơdroăng pơkâ dêi luât ‘na kring vế, rak ngăn tơdroăng ki ai pơxúa, ki tơtro khât dêi kuăn pơlê, ‘na luât dêi Việt Nam a kong têa ê ƀă hên hĕng mâu tơdroăng ki ê tro tiô tơdroăng pơkâ kơxô̆ 27 dêi Khu xiâm pơkuâ hnê ngăn Đảng tơnêi têa ‘na pơtối mơjiâng ƀă pêi pro klêi tơniăn Tơnêi têa rak vế, pêi pro tiô luât xah hô̆i chuh ngiah Việt Nam tung chal nếo.