VOV4.Xơ Đăng - Hâi lơ 2/8, Khu xiâm pơkuâ hnê hriâm ƀă hnê mơjiâng tuăn ngôa rơkê ai mơ-éa pơtroh Viƀan mâu kong pơlê, pơlê kong kơdrâm ối tung Tơnêi têa ‘na tơdroăng pêi pro rah xo ƀiên chê̆ cô mâm non, phôh thong tiô Pơkâ kơxô̆ 72 dêi Khu xiâm kal kí. Pơtối mê, kơjo rah xo thái cô mâu môn hriâm nếo vâ pêi pro Tơdroăng pêi hnê hriâm phôh thong 2018 ƀă kơjo rah xo cô mâm non ăm mâu hngêi trung hnê mâm non a kơpong cheăng kâ – rêh ối pá puât.

Tiô Pơkâ kơxô̆ 72 dêi Khu xiâm Kal kí, Hneăng hơnăm 2022 – 2026 tơ’nôm vâ chê 66 rơpâu ƀiên chê̆ thái cô, krê hơnăm hriâm 2022 – 2023 tơ’nôm 28 rơpâu ƀiên chê̆ cô mâm non, thái cô phôh thông tơnêi têa. Khu xiâm pơkuâ hnê hriâm ƀă Hnê mơjiâng tuăn ngôa rơkê pơkâ thế mâu kong pơlê, pơlê kong kơdrâm tơkŭm mâu troăng vâ tơniăn rah xo ƀiên chê̆ thái cô môi tiah: Tơbleăng rơdâ ‘na ƀiên chê̆ rah xo, pêi cheăng ƀă mâu tíu hnê mơjiâng vâ ai mơngế ki rah xo, tơpui tơno ƀă mâu kong pơlê ki ê vâ tơrŭm rah xo tiô mâu môn tơxâng tiô pơkâ.

A Sa Ly tơplôu ƀă tơbleăng