VOV4.Xơ Đăng - Leh tơbâ 75 hơnăm Hâi mô đô̆i rong râ hlâ hía tơplâ xâ nah, kơmăng lơ 27/7, tơkŭm po mơ’no tơdrêng tung um tơvi ƀă dó inâi ‘’Hơdruê tơngăm ‘na hơniâp lĕm’’. Tơdroăng xua Khu pơtâng tối tơdroăng kal tơnêi têa pơkuâ, tơrŭm ƀă Khu xiâm pơkuâ cheăng pêi Mô đô̆i rong râ ƀă Rêh ối pơlê pơla, Rơ’jíu um tơvi Việt Nam, Quảng Nam, Bình Định, Hà Giang ƀă An Giang tơkŭm po.

Ƀă khôi túa lĕm ‘’Niân tiah hâi kố kơnôm ai hnoăng vâi krâ nah’’, ‘’Pâ mơnê hnoăng pleăng kân kĭn’’, khế 7 rêm hơnăm cho roh vâ tâi tâng hdroâng mơngế rơtế pâ mơnê, tơbâ mâu ngế pleăng châ chăn mơheăm chhá ăm hơniêp lĕm tung rêm drô troăng pơlê xiâm. Ƀă 6 tíu hrik hyôh a: Hà Nội, Pơlê kong kân Hồ Chí Minh, Quảng Nam, Bình Định, Hà Giang ƀă An Giang, ‘’Hơdruê tơngăm ‘na hơniâp lĕm’’ cho tơdroăng ki má môi, chêh ‘măn rak vế mâu tơdroăng khên tơnôu dêi mơngế Việt Nam tung plâ tơdroăng mơnhông mơdêk dêi hdroâng mơngế.

A Sa Ly tơplôu ƀă tơbleăng