VOV4.Xơ Đăng - Tơdrêng ƀă tơdroăng ki hlo ai kong kêi kân xua ai tơdjâk ing khía mơhot kân roh má 5, kơvâ ai tơdjâk dêi kong pơlê Kon Tum hiăng  lăm seá ngăn, pơkâ pêi pro mâu tơdroăng cheăng vâ kring vế rak ngăn mâu rơchôa, long têa. Lâp kong pơlê Kon Tum dế kố ai 85 to long dêi rơchôa têa, ai 93 rơtuh met khô̆i. Châ pơcháu tơdroăng pơkuâ ngăn, xúa 79 to rơchôa, long têa ki kân dêi kong pơlê. Pôa Nguyễn Văn Dẫn, Kăn phŏ pơkuâ ngăn-xúa têa ing mâu rơchôa dêi kong pơlê Kon Tum tối ăm ‘nâi, sap ing hâi lơ 13/10, khu kố hiăng hbrâ rơnáu tŭm têk mâu tơdroăng ki vâ hbrâ mơdât xía vâ xua kong mêi kân, têa lân lu pro.

Têa kroăng, têa krông a tơring Đăk Tô, kong pơlê Kon Tum tâk đik xua ai khía  mơhot kân Noru

A mâu rơchôa, long têa, ăm thế mâu kăn ƀô̆ gak ngăn a mâu tíu ki mê krâu khât, ki nhên, cho pơkuâ rak ngăn rơchôa tôh ăm klâng chiâk dêi 10 tơring, pơlê kong kơdrâm. Ôh tá tơngôu, piu hiât, mê athế pơkâ hnoăng cheăng ăm mâu kăn ƀô̆ akố kring vế, rak ngăn plâ hâi, plâ măng.

VOV Tây Nguyên/Tơplôu: Nhat Lisa