A pơlê kong kơdrâm Kon Tum, Khu hnê mơhno 35 Khu pơkuâ ngăn Đảng Kon Tum tơkŭm po Rôh hriâm tâp mâu tơdroăng ki kal ‘na hnoăng cheăng rak vế ivá hiâm mơno dêi Đảng hơnăm 2023 ăm kăn pơkuâ, khu ki rơkê mâu kơ koan tí tăng ‘nâi plĕng kum ăm tơdroăng cheăng pơkuâ hnê ngăn Đảng, Hô̆i đong hnê ngăn, Vi ƀan hnê ngăn, Vi ƀan Măt trâ̆n Tơnêi têa Việt Nam kong pơlê; mâu khu tơrŭm tơdroăng kal kí rêh ối pơlê pơla ƀă mâu ngế ki tơrŭm cheăng, Khu hnê mơhno, Khu ki rơkê, Tôh chêh tôm xo mâu tơdroăng cheăng kum ăm Khu hnê mơhno cheăng 35 râ tơring ƀă kong pơlê Kon Tum.

Po tung pơla 1 hâi tơdế ƀă pơxiâm sap ing kơxê lơ 29/5, Rôh hriâm tâp mâu tơdroăng ki xiâm ‘na hnoăng cheăng rak vế ivá hiâm mơno dêi Đảng hơnăm 2023 xua khu hnê mơhno 35 khu pơkuâ ngăn Đảng Kon Tum tơkŭm po vâ mơdêk ki hlê plĕng ‘na mâu troăng kal kí, hnoăng cheăng dêi kăn ƀô̆, đảng viên krá rơdêi, pêi pro tro mâu troăng hơlâ pơkâ dêi Đảng tung hneăng ki nếo; hbrâ rơnáu tơ’nôm mâu tơdroăng ki hlê plĕng ăm kăn ƀô̆ pơkuâ, khu ki tí tăng ‘nâi plĕng châ hlo, ai tơdroăng ki pơkâ tơleăng rơkê tung mâu tơdroăng ki ôh tá môi tuăn tung pơlê pơla vâ hbrâ rơnáu xúa mâu troăng hơlâ pêi pro ki nhên vâ pei châ tơƀrê mâu hnoăng cheăng kal kí a kong pơlê, a tíu pêi cheăng.