Pêi pro tiô hnê mơhno dêi Khu cheăng kal kí xiâm Tơnêi têa, kơxê hâi lơ 24/4, a pơlê kong kơdrâm Kon Tum, Khu cheăng kal kí dêi Đảng kong pơlê Kon Tum tơkŭm Hôp tơdrêng ƀă mơ’no tiô troăng hyôh ƀă 12 tíu mơ’no tung kong pơlê hnê, tơbleăng tơdroăng hriâm ƀă pêi pro tiô tuăn mơno, tơdroăng pêi pro ki lĕm, túa pêi cheăng Hồ Chí Minh hơnăm 2023 ƀă hôp tơpui tơdroăng kal kí, tuăn mơno ‘na ƀai chêh dêi pôa Nguyễn Phú Trọng, Kăn xiâm hnê ngăn Đảng.  

A rôh Hôp tối tơbleăng dêi mơngế cheăng tơbleăng dêi kăn pơkuê hnê ngăn Đảng kong pơlê Kon Tum hnê tối mâu tơdroăng kal cho mâu ƀai “Kong pơlê  khŏm thế mơ-eăm tơplâ hbrâ mơdât kâ kơluâ, mơdât ki pro ôh tá tro veăng mơjiâng Đảng ƀă Tơnêi têa pin rế lĕm tơdrăng, krá rơdêi’’ dêi pôa Nguyễn Phú Trọng - Kăn xiâm pơkuâ hnê ngăn Đảng. Mê cho ƀai ki pơxúa ai chêh hên ƀă tơdroăng ki hlo ai khât tung tơdroăng mơjiâng Đảng, tơdroăng cheăng kal kí ƀă tơdroăng cheăng kăch măng dêi tơnêi têa; cho hlá mơ-éa chêh tơdroăng kal tung tơplâ mơdât kâ kơluâ, ki pro ôh tá tro, tơdroăng ki xiâm mơjiâng Đảng ƀă khu cheăng ‘na kal kí rế ton rế lĕm, krá rơdêi.