VOV4.Xơ Đăng - Khu pơkuâ ngăn Đảng kong pơlê Kon Tum hiăng pơkâ thế pơxâu phâk tâi tâng mâu hnoăng cheăng tung Đảng ƀă pôa Đặng Thanh Nam, kăn phŏ pơkuâ ngăn Đảng tơring, Kăn hnê ngăn Vi ƀan tơring Kon Plông. Châ ‘nâi xiâm kối chiâng pro Khu pơkuâ ngăn Đảng Kon Tum pơklât thế pêi pro tơdroăng ki pơxâu phâk pôa Đặng Thanh Nam cho tơdjâk troh mâu tơdroăng ki pro xôi tung kơvâ rak ngăn tơnêi tơníu ƀă ‘no liăn cheăng mơjiâng pro.

Tơdroăng tơkêa Kơpong pro hngêi ki lĕm krip peăng Kơnhŏng tíu xiâm tơring Kon Plông pro xôi mâu pơkâ dêi luât ‘na ‘no liăn cheăng tơdjuôm

Ki xiâm cho tơdroăng ki pôa Đặng Thanh Nam pơkâ thế pêi pro tơdroăng tơkêa tí tăng tơnêi Kơpong ki pro hngêi lĕm peăng kơnhŏng tíu xiâm tơring Kon Plông ƀă túa pơkâ lối 21 ha drêng tá hâi châ hơ’lêh tơdroăng ki xúa tơnêi, tá hâi châ hbru ăm hnoăng pơkuâ kĭ pơkâ xua pro xôi mâu túa pơkâ dêi luât ‘na ‘no liăn cheăng tơdjuôm. Khu pơkuâ ngăn Đảng kong pơlê Kon Tum tối, pro xôi dêi pôa Đặnh Thanh Nam chiâng ai tơdroăng ki rơ-iêo, pro ‘mêi tung kăn ƀô̆, đảng viên ƀă kuăn pơlê; pro kơdroh tơdroăng loi tơngah tung khu râ Đảng, khu kăn pơkuâ tơring ƀă krê dêi pôa Đặng Thanh Nam.

Katarina Nga tơplôu ƀă tơbleăng