Kơxo hâi lơ 23/5, a pơlê kong kơdrâm Kon Tum, Khu xiâm ngăn ‘na hnê hriâm ƀă hnê mơjiâng tuăn ngôa rơkê kong pơlê Kon Tum tơkŭm po leh khĕn kơdeăn  hok tro hriâm rơkê, thái cô hnê rơkê hơnăm 2022-2023. Ƀă tơdroăng pêi pro “Tơrŭm môi tuăn veăn hriăn plĕng tơdroăng ki nếo, ‘no ivá mơ-eăm pê klêi hnoăng cheăng ƀă tơdroăng pơkâ pơ’lêh nếo; ‘Mâi mơnhông, mơdêk tơdroăng hnê hriâm ƀă hnê mơjiâng tuăn ngôa rơkê” hơnăm 2022-2023 kơvâ hnê hriâm ƀă hnê mơjiâng tuăn ngôa rơkê kong pơlê Kon Tum hiăng châ pêi pro tâi tâng mâu pơkâ ki kal.

Tơdrêng ƀă tơmâng mơnhông hnê hriâm, hơnăm kố hngêi rak liăn mơdêk ‘no liăn pro tơmeăm khoăng ăm tơƀrê tung hnê hriâm ki xiâm, hơ’lêh nếo tơdroăng châ ‘nâi, rah xo ăm hriâm tơ’nôm mâu hok tro rơkê ‘na tơdroăng ki ê. Mơ-nê hnoăng ‘nâi kơdôu mơ-eăm dêi Thái cô ƀă vâi o hok tro hriâm rơkê, hok tro ki rơkê ‘nâi pơ’lêh nếo tung tơdroăng châ ’nâi, rah xo ăm hriâm tơ’nôm hok tro hriâm rơkê, hok tro rơkê ‘na hơdruê xuăng, kơchuâ chêh.

Mơnê hnoăng kơdôu mơ-eăm dêi thái cô ƀă mâu hok tro, Khu xiâm ngăn hnê hriâm ƀă hnê mơjiâng tuăn ngôa rơkê, Vi ƀan hnê ngăn kong pơlê Kon Tum diâp ƀâng kơdeăng khĕn, Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Kon Tum diâp hlá mơ-éa khĕn kơdeăn 54 ngế thái cô ƀă 219 ngế hok tro ki kơhnâ rơkê tung hơnăm hriâm 2022-2023.