VOV4.XƠ Đăng - A kơpong Tây Nguyên, Khía mơhot kân rôh má 4 plong mot tơdjâk troh a Kon Tum. Hên troăng ôh tá chiâng prôk xua têa lân lu ƀă tơnêi tơhnâp, tíu ‘nâ trâp trâu. Kơnôm hbrâ hdrối tơdroăng hbrâ mơdât xía vâ xua kong mêi têa lân lu mê klêi ai khiá mơhot têa lân lu a mâu troăng kân dêi kong pơlê Kon Tum ƀă mâu kăn kong pơlê hiăng mơhnhôk mâu ngế, mâu rơxế vâ pêi mâu tơdroăng vâ tơkâ luâ xơpá rak tơniăn troăng  prôk tro tơ’nhiê xua kong mêi khía.

Mâu tíu tơhnâp a troăng kân 24 dêi tơnêi têa hiăng châ rĕng ‘mâi rơnêu pro

Mê cho troăng kân Hồ Chí Minh pơla ki tơkâ luâ tơring Đăk Glei tơdroăng têa lân lu trâu, mâu khu râ pơkuâ cheăng tăng mâu ngế gak ngăn, chêh tơbleăng mơdât ôh tá ăm mơngế ƀă rơxế prôk a tíu têa lu trâu vâ tơniăn. Troăng kân 40B ki tơkâ luâ tơring Tu Mrông, troăng kân 24 ki tơkâ luâ tơring Kon Plông hiăng ai hên tíu tro tơhnâp. Mâu khu râ pơkuâ cheăng ăm rơxế kui tơnêi ƀă mâu ngế veăng văng tah loăng, nhâ, hmôu, tơnêi, tơbêng lĕm tơnêi mê rơxế nếo châ tơkâ luâ.

VOV Tây Nguyên/Tơplôu: Gương