VOV4.Xơ Đăng - Drêng tơdroăng pro ‘mêi kong prâi a kơpong ok xok ton a hngêi kơmăi mơgrúa xok khăng Đăk Hà, Khu pơkuâ loăng pơlái, kong kế ƀă kong prâi kong pơlê Kon Tum pơkâ Kŏng ti kố pêi pro mâu troăng vâ rak vế kong prâi.

Môi iâ tíu ok xok ton tíu ki ôh tá mơgrúa lĕm kong prâi

Pơtối mê, Kŏng ti pêi cheăng tiô rơnó môi khu tê mơdró ƀă Kŏng ngê̆ Kong prâi DH (khu pơkuâ hngêi kơmăi mơgrúa xok) thế pơtroh tâi tâng kơxô̆ tơmeăm mơ-ŭm a tíu ok xok ton djâ a kơpong hngêi mơ-ŭm lơ ai troăng tâp ví tro kơchoh kong mêi klêi mê têa ‘mêi hiu lo kong prâi; Kui tah trâp prêa tíu kơdoăng têa dêi kơpong ok xok ton vâ mơdêk kơdoăng têa; Pêi pro krá lĕm ƀă pro a’ngêi kơnoăng tíu kơdoăng têa tơtro vâ gô̆m tâi tâng têa lo ing tíu ok xok ton; Thăm ok pơkeăng sinh hok a kơpong ok xok vâ kơdroh xú ŭm, rối, tri trôu pruân.

A Sa Ly tơplôu ƀă tơbleăng