Kơxo lơ 26/12, a pơlê kong kơdrâm Kon Tum, Khu hnê mơhno mơhnhôk pleăng mơheăm kong pơlê Kon Tum tơkŭm po Leh ô eăng mơngế ki pleăng mơheăm hơnăm 2022. Tơpui a Leh ô eăng mơngế ki pleăng mơheăm hơnăm 2022, jâ Y Ngọc, kăn phŏ hnê ngăn Vi ƀan kong pơlê Kon Tum, Kăn pơkuâ Khu hnê mơhno mơhnhôk pleăng mơheăm kong pơlê tối nhên, tơdroăng pleăng mơheăm dêi kong pơlê tung mâu hơnăm hdrối nah hiăng ai tơdroăng veăng kum kal khât tung hnoăng cheăng rak ngăn ivá kuăn pơlê.

Krê hơnăm 2022 kong pơlê Kon Tum hiăng tơkŭm po 34 rôh pleăng mơheăm, tơdah xo lối 6.800 tơdrong mơheăm, châ lối 136% tơdroăng pơcháu dêi Khu hnê mơhno cheăng mơhnhôk pleăng mơheăm. A leh ô eăng mơngế pleăng mơheăm hơnăm 2022, Khu hnê mơhno mơhnhôk pleăng mơheăm kong pơlê Kon Tum diâp Bảng hâu bro ƀă loăng ô eăng ăm 136 ngế krê ƀă 11 rơpŏng ki pleăng hên mơheăm; diâp Hlá mơeá khĕn kơdeăn ăm 22 ngế krê ƀă 20 khu pú hên ki pleăng hên rôh mơheăm.