A kong pơlê Kon Tum Tơdroăng Pleăng mơheăm Khêi – Kơto mơheăm peăng kơnhŏng Tây Nguyên hơnăm 2023 dế pơtối châ tơdroăng ki môi tuăn dêi mâu ngế ki pleăng mơheăm ki mơhnŏng vâ pleăng xêh. Veăng tung tơdroăng kố ai lối 400 ngế rơtế ƀă hên hĭn mâu kăn ƀô̆, kong chưk, viên chưk, ngế pêi cheăng ƀă kuăn pơlê a kong pơlê.

Tơdroăng pleăng mơheăm khêi – Kơto mơheăm khêi peăng kơnhŏng Tây Nguyên hơnăm kố, Khu hnê mơhno mơhnhôk pleăng mơheăm ki mơhnŏng vâ pleăng xêh kong pơlê Kon Tum pơkâ tơdroăng ki hnê tối ăm 8 rơpâu ngế ‘na tơdroăng ki kal, ai pơxúa lĕm dêi tơdroăng pleăng mơheăm mơhnŏng vâ pleăng xêh ƀă mơhnhôk, tơdah xo lối 2.300 tơdrong mơheăm.

Tơdroăng ăm ‘nâi sap ing Khu hnê mơhno mơhnhôk pleăng mơheăm ki mơhnŏng vâ pleăng xêh kong pơlê Kon Tum ăm hlo hơnăm kố nah lâp kong pơlê ai lối 9 rơpâu ngế chêh inâi pleăng mơheăm, tơkâ luâ 34 rôh pleăng mơheăm mê châ tơdah xo lối 6.800 tơdrong mơheăm tơkâ luâ tơdroăng pơcháu.