VOV4.Xơ Đăng - Klêi tơdroăng tơkêa bro ‘mâi rơnêu, pro 31km troăng ki hiăng vâ tơ’nhiê a troăng kân 24 dêi tơnêi têa ki tơkâ luâ kong pơlê Kon Tum pê klêi hiăng hlo ai tơdroăng kuăn pơlê ki rêh ối péa pâ troăng gu tơbăng tơnêi chiâng tơdjâk troh hyôh kong phâi ki lĕm ƀă hang lơng prôk chêng vâ tơniăn ‘na troăng prôk, mâu kăn pơkuâ ngăn dêi 2 tơring Kon Plông ƀă Kon Rẫy, kong pơlê Kon Tum, cho tíu ki ai troăng kân 24 tơkâ luâ dế mơdêk hnoăng rak ngăn ‘mâi hơ’lêh tơdroăng mê.

Môi tung mâu kuăn pơlê gu tơnêi ăm tơbăng pro hngêi achê kĭng troăng kân 24 dêi Tơnêi têa pơla troăng ki tơkâ luâ cheăm Tân Lập, tơring Kon Rẫy, kong pơlê Kon Tum

Mâu kăn péa tơring Kon Plông ƀă Kon Rẫy hiăng pơkâ thế Vi ƀan mâu cheăm, pơlê kân cho tíu troăng prôk tơkâ luâ mơdêk hnoăng cheăng rak ngăn. Ƀă mâu ngế ki tơxâng kal châ gu tơbăng tơnêi xua tơdjâk dêi tơdroăng pro troăng, mâu kăn cheăm bêng tơring hnê kuăn pơlê ai hlá đơn chêh tơbleăng ƀă séa ngăn tung pơla gu tơbăng.

Vi ƀan tơring Kon Rẫy tung pơla hdrối kố nah hiăng pơxâu phâk ngế ki pro xôi luât ‘na tơnêi tơníu xua gu tơnêi hdi tơnêi hang lơng chiâng mâ ngăn troăng ôh tá lĕm ƀă hlối ‘nêk tơnêi.

Gương tơplôu ƀă tơbleăng