VOV4.Xơ Đăng - Klêi kơ’nâi kong mêi khía mơhot kân roh má 4 plong mot, a tơring Tu Mrông, kong pơlê Kon Tum pơtối ai têa lân lu kân ing kơnhŏng têa hiu tơkŭm pro tơklâ a 3 to cheăm dêi tơring Tu Mrông, mê cho: Măng Ri, Đăk Na ƀă Đăk Sao. Pái to cheăm kố nôkố ai tâi tâng kơxô̆ pơ’leăng mâ kuăn pơlê dâng 8.000 ngế. Pakĭng a cheăm Tê Xăng, xua tơhnâp kơnâng troăng, tơnêi hmốu tâp kơđu troăng xua mê 147 rơpŏng kuăn pơlê a thôn Tu Thoh tro tơklâ.

Tŏng kum ‘mâi rơnêu troăng prôk vâ kơdroh xahpá xua têa lân lu pro tơklâ a tơring Tu Mrông

Pôa Võ Trung Mạnh, Kăn hnê ngăn Vi ƀan tơring Tu Mrông tối ăm ‘nâi, Khu râ kăn pơkuâ hiăng mơhnhôk mâu khu cheăng thâ rơnêu. Ki nhên ƀă troăng kân Măng Ri, Vi ƀan tơring hiăng hnê mơhno khu lêng kuăn pơlê, kŏng an, droh rơtăm tŏng kum kuăn pơlê ting tông rơxế, trut hluâ thông têa ki tro mơhiu. Nôkố bu u ối thôn Tu Thoh, cheăm Tê Xăng tro klâ krê tâi tâng. Khu cheăng hiăng thâ troh veăng kum vâ rak tơniăn rĕng má môi.

Khoa Điềm/VOV Tây Nguyên/Tơplôu: A Sa Ly