VOV4.Xơ Đăng - A tơring Tu Mrông, kong pơlê Kon Tum kong mêi kân ton hâi mâu hâi hiăng hluâ hiăng pro tơhnah tơhnâp, tơ’nhê mâu troăng kân. Nôkố, khu râ kăn pơkuâ tơring dế thâ rơnêu tơmeăm khoăng tro lŭp vâ tơniăn tơdroăng prôk lăm ƀă tơniăn tơdroăng rêh ối dêi kuăn pơlê.

­Tâp kơƀâng tơbleăng tối a mâu tíu tơhnâp

Ahdrối vâ tơniăn tơdroăng prôk lăm dêi kuăn pơlê, a mâu tíu tơhnâp kân a troăng kân lăm 4 to cheăm peăng mâ hâi luô dêi tơring Tu Mrông, kơvâ cheăng dêi tơring tơrŭm ƀă Vi ƀan mâu cheăm hiăng tơkŭm tâp kơƀâng tơbleăng tối a mâu kơpong rơ-iô; pơtroh mơngế gak pêi cheăng hnê mơhno kuăn pơlê ƀă mâu rơxế prôk lăm tơkâ hluâ tíu tơhnah tơhnâp tơniăn.

Môi tíu tơhnâp kân a troăng kân lăm 4 cheăm peăng mâ hâi luô dêi tơring Tu Mơrông

Ƀă mâu tơmeăm ki tơ’nhê a mâu troăng kân drô thôn, drô cheăm, tơring Tu Mrông pơtroh mâu rơxế, mâu ngế pêi cheăng vâ rơnêu, rak tơniăn lĕm vâ ôh tá ăm tơdjâk troh tơdroăng prôk lăm pêi cheăng pêt mơjiâng tơmeăm dêi kuăn pơlê.

A Sa Ly tơplôu ƀă tơbleăng