Tơpui a rôh leh tơbâ, pôa Lê Ngọc Tuấn, Kăn hnê ngăn Vi ƀan kong pơlê Kon Tum púi vâ mâu tíu tê mơdró, khu mơdró kâ pơtối veăng gum tung tơdroăng ki mơnhông dêi kong pơlê. Kong pơlê tơhrâ kô pro tơ’lêi hlâu má môi ăm mâu khu mơdró kâ ‘no liăn cheăng, mơnhông.

A leh tơbâ 20 hơnăm Hâi khu mơdró kâ Việt Nam 13/10 ƀă tơkŭm po tơpui tơno khu mơdró kâ rôh má 2 hơnăm 2024, pêi pro tơdroăng tơ’noăng “Tơdjuôm ivá tah lôi hngêi hiăng tơ’nhiê xi kơchoh” xua kong pơlê Kon Tum tơbleăng, 13 khu mơdró kâ ƀă Khu ngăn mâu khu mơdró kâ hơnăm ối nếo kong pơlê Kon Tum gum vâ chê 400 rơtuh liăn.

Drêng kố Vi ƀan hnê ngăn kong pơlê Kon Tum diâp Ƀâng khê̆n kơdeăn ăm 27 khu tê mơdró, khu mơdró kâ ki kơhnâ rơkê; 23 ngế krê ki kơhnâ rơkê ối tung Khu mơdró kâ hơnăm ối nếo kong pơlê Kon Tum hâk tơngăm châ tơdah xo ƀâng khĕn kơdeăn dêi Vi ƀan xiâm tơnêi têa Khu mơdró kâ hơnăm ối nếo Việt Nam.