VOV4.Xơ Đăng - Kơxê lơ 12/9, Khu pơtâng tối tơdroăng kal Khu pơkuâ ngăn Đảng Kon Tum tơkŭm po Leh tơbleăng Rôh tơ’noăng tăng ‘nâi ‘Kon Tum – 110 hơnăm mơjiâng ƀă mơnhông”. Rôh tơ’noăng châ tơkŭm po tiô tơdroăng: Tơ’noăng chêh ƀă tơ’noăng trắc nghiệm tung Trang thông tin điê̆n tưh dêi Khu pơtâng tối tơdroăng kal Khu pơkuâ hnê ngăn Đảng Kon Tum. Tơdroăng ki tơ’noăng chêh ai 3 tơdroăng kơ-êng ƀă hâi nâp ƀai tơ’noăng cho a hâi lơ 20/11/2022. Tơdroăng ki tơ’noăng trắc nghiệm po tung pơla 3 khế, pơxiâm sap ing 6 chôu hâi lơ 13/9 troh 21 chôu hâi lơ 13/12/2022. Khu tơkŭm po rôh tơ’noăng tiô tối hdrối tơkŭm po Leh mơgêi ƀă diâp pri rôh tơ’noăng hdrối hâi lơ 5/2/2023.

Tâ tá leh mơhnhôk pêi cheăng

Rôh tơ’noăng kố cho vâ tối tơbleăng, hnê hriâm ăm mâu khu râ kuăn pơlê, malối cho cho mâu rơxông hơnăm ối nếo hlê nhên tâ ‘na tơdroăng ton nah mơjiâng ƀă mơnhông dêi kong pơlê Kon Tum. Ing mê, veăng kum mơdêk ki hlê plĕng tung tơdroăng rak vế, mơdêk mâu tơdroăng ki kơnía ‘na khôi hmâ ton nah ƀă mơhno túa lĕm tro dêi pơlê cheăm tơnêi têa.

Katarina Nga tơplôu ƀă tơbleăng