VOV4.Xơ Đăng - Kơxê lơ 15/9, a Hngêi pơtê Hữu Nghị, pơlê kong kơdrâm Kon Tum, Vi ƀan kong pơlê Kon Tum vêh tơkŭm po Tơdroăng kơphế khu tê mơdró ngế tê mơdró klêi kơ’nâi môi pơla pơtê xua pơreăng COVID-19. Tơpui tơno ƀă khu râ kăn pơkuâ kong pơlê Kon Tum a Tơdroăng kơphế khu tê mơdró ngế tê mơdró, teăng mâ hên khu tê mơdró tối ăm ‘nâi vâi xuân dế trâm pá puât cho mâu tơdroăng ton nah tung tơdroăng mơ’no liăn cheăng ƀă mơjiâng pro tê mơdró, môi tiah: hrá tung pro mơ-éa tối tơdjuôm ƀă kơvâ tơnêi tơníu tối krê; tơdroăng ‘’kơpêng tô, pá xôp hngíu’’ tung tơdroăng tŏng kum khu mơ’no liăn cheăng u ối ai pá puât a mâu tơring, tíu cheăng.

Kon Tum: Tơkŭm po tơdroăng kơphế khu tê mơdró, ngế tê mơdró

A tơdroăng mâu ngế mơdró xuân châ tơdah tơkêa ing Kăn hnê ngăn Vi ƀan kong pơlê Kon Tum ‘na tơdroăng đi đo hbrâ tơdah tơdroăng chêh tối ƀă tơleăng mâu tơdroăng ki tơdjâk troh tơdroăng mơ’no liăn cheăng, pêt mơjiâng tơmeăm tê mơdró ki khu tê mơdró pói vâ châ tŏng kum.

A Sa Ly tơplôu ƀă tơbleăng